泛民主派早前曾揚言杯葛政改諮詢，依家就為見官傾政改而懶理扶貧問題，又再一次顯示泛民「講一套做一套」嘅作風。
傳聞上周四有份去食早餐嘅有AV仁、李卓人、泛民「飯盒會」召集人兼公民黨黨魁梁家傑及黨友湯家驊，仲有公共專業聯盟梁繼昌（Kenneth）。而民協議員馮檢基就因為擔任扶貧小組委員會主席，要主持當日朝早嘅會議而冇份食早餐。
不過，其實除咗Kenneth之外，出席早餐會嘅四位泛民議員都係扶貧小組委員會成員。泛民成日喺立法會「拉布」時話要優先處理民生議題，要政府調動議程，但依家佢哋為咗見高官傾政改而唔開會，佢哋有幾咁關心民生，真係睇得一清二楚喇。