被指係佔領行動「幕後黑手」嘅壹傳媒肥佬黎，連日喺金鐘佔領區「扮指揮」，不過無人聽佢支笛。佢前日突然撰文促請示威者撤退，聲稱保留實力必要時捲土重來。不過言猶在耳，肥佬黎尋日又改口引導佔領人士繼續佔領旺角，認為可以消耗警力。肥佬黎前後只係廿四小時就改口，一時又話要撤，一時又話唔撤，精神分裂大錯亂，認真吹水唔抹嘴，套用時下嘅潮語，真係「信佢一成，雙目失明」嘞！
