渡海濠情：親熱短片不可外傳
日本有對情侶，男嘅52歲，女嘅36歲，佢哋閒來無事就親熱，仲會拍低精彩片段放上網公諸同好，由於太多人瀏覽而引起警方注意，繼而採取行動將佢哋拘捕，嚟自金池桑拿嘅錫思就話：「恨做主角都唔使咁啩！」
似足女星
錫思話：「我唔怕話畀你知，有啲人真係有鋪做脫星嘅癮，好似我嘅前男友，佢手機裏面就有好多佢同前女友嘅肉搏短片，佢話起初自己都唔喜歡上鏡，但前女友話每次親熱，如果唔開部手機就會失去性趣，於是佢至勉為其難粉墨登場，但慢慢就連自己都上咗呢鋪癮，我睇過佢哋嘅短片，真係對住鏡頭嚟做，而且愈做愈起勁，除咗動作多多外，佢哋仲七情上面，佢前女友至誇張，真係成個AV女星咁樣，望住鏡頭咬手指呀！玩弄大包等！睇見都替佢哋肉緊，之後呢個前男友仲問我有冇興趣拍低留作紀念，我話你諗都咪諗，萬一段片流咗出街咪邊度都唔使去。我之後問番佢，既然大家臭味相投，點解又同前女友分手呢？佢話前女友愈拍愈離譜，實在頂佢唔順，咪同佢分手囉！」
搵多一個
有啲乜嘢離譜嘢呀？錫思話：「佢女友成日話兩個人拍嚟拍去都係嗰幾招，好想搵多一個人嚟合作，我男朋友以為佢會搵多個女性朋友嚟合作，咁佢就可以玩一王兩后，於是答應，點知佢搵個男性朋友返嚟，而且全程都由佢哋兩個嚟擔戲，自己就變咗臨記，身為男朋友乜嘢面都冇晒，於是咪同佢分手囉！而且最重要就係佢女友話要將短片放上網，咁仲得了嘅，前男友話將親熱片段拍落嚟，主要係畀自己回味一下，但有時都會同朋友分享一下，主要喺班巴打面前威番吓，但都只限攞住手機嚟睇，唔會分享出去，因為話晒都係自己女友，畀人廣傳仲得了嘅，家陣前女友話要公諸於世，梗係唔得啦！於是借啲意就乘機同佢分手，將啲短片據為己有，佢至做唔成主角咋！」
錫思Profile
年齡：22歲
三圍：34-24-35
撰文：小德
攝影：阿生