荃灣：樹木傾斜45度 隨時冧傷途人
大樹有綠化及遮蔭效果，惟若欠缺打理，或隨時變成傷人「兇器」。居於荃灣的黃先生發現，路德圍休憩處有樹木作四十五度傾斜，擔心或會塌下傷及途人。「成棵樹歪晒，好似就嚟會冧落嚟咁，砸親人就大件事！」黃不滿康文署未派員跟進。
康文署發言人表示，接獲轉介後派員檢查，相信該樹曾受強風影響，引致樹幹傾斜，但樹健康未受影響，其後自然修正向上生長至現時狀態。該署已為該樹再次詳細檢測，確定根基穩固，生長正常。該署會繼續定期檢查該樹，有需要時會作出適當的護理。
促康文署進行加固措施
「歪成咁睇見都牙煙，康文署係咪應該做定啲加固措施？」黃先生希望康文署考慮加設花槽，加強鞏固，以防患未然，「第日打風可能仲歪得犀利，早啲整得穩陣啲會對行人有多啲保障！」