轉乘濫收車資 運署放生九巴

「轉車（269D）明明只係畀八個三（$8.3），但就收咗我十個零一（$10.1）！」黃先生早前在城門隧道轉車站轉乘269D往元朗上班，原本只需繳付$8.3車資，登車後卻發現被多收一元八角。

「搵《東方》佢哋先認衰」

黃即時向車長投訴卻不獲受理，「我嘟完卡先發覺有問題，同車長投訴佢又叫我打九巴熱線，打去佢哋又話查唔到，係搵《東方日報》佢哋先肯認衰！」黃在本報協助後終獲退回多付車資，但他仍然不滿九巴亂收車費，更漠視市民的投訴。

潘小姐早前在青衣長安巴士站轉乘243M，卻未能享有轉乘優惠。	鄧家彪	黃先生

事實上，多收車資個案時有發生，上水居民劉先生早前在清河邨乘搭273B線巴士，擬於港鐵上水站的巴士站轉乘261線往屯門，按九巴的轉乘計劃原應享有轉乘優惠，未料卻反被多收三元五角，「同我同車仲有十幾個人都係轉搭同一架巴士，咁九巴即係收多咗好多乘客的錢喎！」

至於乘搭49X到青衣長安巴士站轉乘243M的潘小姐亦有相同遭遇，不滿九巴經常多收車資，「之前睇《東方》都有幾次報道話佢哋收多人錢，點知今次輪到自己，我覺得運輸署點都要做吓嘢！」

訓示車長調校八達通

記者曾向九巴查詢過去一年多收車資情況，惟九巴發言人未有回應，僅稱查核紀錄後已分別向投訴人致歉及安排退款，並訓示有關車長需正確調校及操作八達通系統。運輸署發言人表示，巴士公司未能按照訂明的金額收取車資，會被視為未能遵照該署的規定。倘巴士公司未能提供合理解釋及作改善，當局可按《公共巴士服務條例》，警告有關巴士公司。如情況持續，當局有權建議行政會議對有關巴士公司施加罰則。被問及過去曾否就多收車資施加罰則一事，發言人則未有回應。

議員質疑九巴博大霧

立法會交通事務委員會副主席鄧家彪質疑巴士公司「博大霧」，要求運輸署主動調查，「未必個個乘客都留意到畀多咗錢，就算留意到都怕麻煩，運輸署冇理由唔理，如果唔係個問題始終解決唔到！」鄧又要求九巴制訂措施防止多收車資問題再次發生。

記者：楊育輝、呂諾君