蔣麗芸自資請同事參加
適逢香港未來兩年會進行區議會及立法會選舉，唔少政黨都計劃拉隊過台灣觀戰，立法會議員蔣麗芸（阿Ann）更幾乎請晒成個議辦職員去台北「偷師」，認真大手筆。
台灣選舉氣氛一向濃厚，為求爭取選民支持，藍綠陣營拉票可謂各出奇謀。雖然民建聯之前都去過台中睇兩黨備戰，但都唔及阿Ann自掏荷包請晒二十位辦事處職員去台北咁闊綽。阿Ann話，作為政黨員工，應該要去睇吓其他地方嘅選舉情況。佢仲話，使幾多錢都無所謂，最緊要就係班員工學到嘢喎。至於白鴿黨黨主席劉慧卿同單仲偕等人就喺選舉前兩日飛去台北，而公民黨陳淑莊同「飛機師」譚文豪就帶埋一班社區主任分別飛去台北同台中，料夾埋都有幾十人。