渡海濠情：求婚必備車與樓
向女朋友求婚，好多朋友都會出示求婚戒指，最好就係鑽戒啦！女友一定會心動答應，但原來喺北韓嘅男士會用智能手機嚟求婚，據講比用鑽戒仲受歡迎，嚟自十八桑拿嘅小珍話：「有得畀我選擇，我要……」
三條鎖匙
小珍話：「我要一個鎖匙圈就可以，你咪笑住，梗係唔係一個鎖匙圈咁簡單啦！鎖匙圈內要有三條鎖匙，一條係車匙，一條係門匙，最後一條就係保險箱鎖匙，用呢個鎖匙圈嚟求婚，咁至嫁得過，車匙我唔貪心，幾百萬嘅跑車我唔要，事關大城市一定塞車，要架跑車嚟都冇用，我反而實際啲，你畀架進口七人房車過我，我都收貨啦！至於門匙，梗係唔係佢住嗰間啦！係新屋鎖匙，我同樣唔貪心，郊外幾千呎豪宅就咪預我啦，市區八百零呎實用單位我就夠啦！最好有埋車位啦！冇都冇問題，至於保險箱鎖匙，我唔要佢成個保險箱都係錢，錢太多反而會貶值，我希望佢保險箱有啲可以增值嘅收藏品，例如鑽石、郵票、股票之類，再放佢十年八年，價值唔跌仲升佢幾個開添！」
理財智慧
你真係一啲都唔貪心呀！小珍話：「人總有小小貪心嘅，連我都唔例外，但貪還貪，你都要向現實低頭，嫁個有車有樓嘅老公，根本就係人之常情！你話要嫁個有錢人，要佢送跑車大宅就話難啫，但要未來老公佢送，我覺得絕對冇問題，就算佢畀首期我嚟供我都諗得過，總好過乜都唔要只要隻戒指或者智能手機啩！至於保險箱就考驗佢嘅理財智慧，如果佢只識搵錢跟手就存入銀行，今時今日咁冇理財智慧點同佢過人世呀！所以問佢打開保險箱睇吓，如果有啲另類投資嘅，我都收貨啦！好似我前男友，佢喜歡收藏超合金模型，家裏面就有成百個，一問底下另一間屋仲有成千個，我計吓條數佢啲超合金模型就值成百萬，加上兩層樓喺手，你話呢啲男人唔搵佢做男友就笨啦！」
小珍 Profile
年齡：21歲
三圍：36-24-35
撰文：小德
攝影：阿德