違泊阻通道礙消防救援

「啲車泊喺消防通道前面，如果咁啱有意外，消防車點出入？」居於荃灣的黃太指常有車輛違例停泊於楊屋道消防通道及小巴站位置，認為不但阻礙救援工作，亦對乘客上、落小巴造成不便，要求警方加強執法。

警方發言人稱荃灣警署一直關注上述地點的交通情況，並常派員檢控違泊車輛。發言人說，過去一年共接獲三宗相關投訴，並發出三十八張定額罰款告票。接獲轉介後，警方即時派員到上址視察，並發出十張告票檢控違例車輛。

「一投訴就即刻抄咗十張牛肉乾，等於佢（警）一年出嘅（告票）三分一，好明顯之前冇乜點理啦！」黃太認為，在保持道路暢通、確保救援工作順利進行的大前提下，警方應派員加緊巡邏並檢控違例車輛。