兩路牌傾側 路署懶維修
「左邊個路牌斜向左邊，右邊個路牌就斜去右邊，唔講仲以為係特登設計出嚟。」元朗居民何先生早前行經鳳攸東街時，發現有兩塊路牌傾斜，惟其後再次路過時仍未維修，不滿路政署保養不周。
路政署發言人證實，經轉介後已即時派員實地視察，發現涉事路牌輕微傾側，懷疑早前曾被車輛碰撞所致，但並無影響整體結構，已安排承建商維修，相關工作亦已完成。發言人強調有派員定期巡查轄下公共道路及附屬道路設施，如有破損將安排維修。
市民斥巡查不力
不過，何先生卻質疑路政署巡察不力，未能確保道路設施狀態良好，「係有巡嘅話又點會等到有投訴先做嘢？有時啲嘢唔係講有冇即時危險，但係由你負責嘅事就要睇緊啲！」