「我做地盤，揸挖泥機。」外表斯文，雕刻時專注細心的David，正職卻令人意想不到。David坦言，自幼夢想成為設計師，但藝術細胞發達，其他方面卻較弱，集「科技白癡」兼「路癡」於一身，「做設計嗰行要用到電腦，我唔識電腦，冇辦法。」作品受到關注後，有不少人希望請他度身訂造雕刻作品，他都一一推卻，「揸挖泥機要好集中精神，已經好費神，再幫人雕刻好攰。」他指，酒塞雕刻從來不是其「副業」，不為賺錢，只為興趣。
在訪問過程中，David更是金句連連。即場示範雕刻時，他說：「你心目中諗住係咩，佢就係咩。」介紹各種酒塞時，他說：「佢（酒塞）個樣可能唔靚，但佢內心可以好靚。」最後，記者與他離開訪問場地，向他道謝時，他一臉認真道﹕「呢個都係人生一個好好嘅經歷同體驗。」粗中有細，粗獷與藝術在他身上和諧並存。