綠色先鋒：迷塞的雕神
兩把鎅刀一個鉗，化廢為寶。愛酒之人David Yau一向有收集酒塞習慣，但同款的酒塞如何處置？David忽發奇想，拿起簡單工具，手起刀落，利用酒塞雕起各種玩意。在他天馬行空的創意下，nothing is impossible。心儀跑鞋太貴不捨得買？雕一雙吧！買不到喜歡的朱古力咖啡味夾心餅？雕一塊望梅止渴吧！不滿新工作但宣洩無門？雕件作品表達心情吧！被視為無用的酒塞成為獨一無二及各有故事的藝術品。
「儲儲吓啲木塞開始重複，但掉咗又好嘥，有日無聊拎起鎅刀就雕舊木塞，之後愈雕愈複雜，到依家雕咗六百個左右。」現年三十七歲的David Yau是香港首位酒塞雕塑家，五年前踏上創作之路，「垃圾」是他的小玩意，比起其他簇新的用料，「垃圾」更深得他心，「垃圾唔起眼，無人會理，但我做咗佢哋爸爸，執佢哋返嚟，重新賦予生命，令佢受到注視，好有成功感。」
喜怒哀樂 隨手可雕
David的作品貼近生活，像食物、屋子、鞋子和動物，看似簡單，但款款精緻，極考刀工，每件都有獨特的故事。出身基層的David指，現實生活中無法實現的願望或得不到的東西，他便透過雕塑達成，「曾經行街見到對好靚嘅波鞋，但好貴，唔捨得買，返屋企就雕咗對鞋出嚟。」
說罷，David又拿起夾心餅作品解說，「你知唔知佢係咩味嘅夾心餅？係mocha味，點解出面賣嘅夾心餅成日都係檸檬味？我鍾意mocha呀，點解唔畀我？改變唔到世界，惟有整嚟自我陶醉。」
雕刻作品亦承載了David的喜怒哀樂。一個「炮」字象棋上插着一把斧頭，是怒的表現。David解釋，有次轉工後，心情跌落谷底，「好唔想做，好想『劈炮』」，於是埋首雕刻，宣洩情緒，創作出名為「劈炮」的雕刻作品。雕出紙鶴，則是喜的表現，「細個成日摺紙鶴，我想雕番出嚟，緬懷童年。」
圖﹕甘偉倫
文﹕溫盈盈