針對金鐘中信大廈出入口嘅清場行動尚算成功，但喺金鐘佔領區久未曝光嘅民主黨立法會議員何俊仁（AV仁）及捲入壹傳媒老闆肥佬黎捐款醜聞嘅工黨李卓人，就趁墟拉隊包圍負責清除障礙物嘅執達主任，不滿禁制令只係以文字交代禁制令範圍，又話執行越界，仲要求畀多晚時間佔領者執拾帳篷內嘅貴重物品添。不過，AV仁同李卓人似乎唔記得佢哋嘅佔領行動屬違法，放置物件喺馬路阻塞交通根本就講唔通，二人面對清場不但唔合作，仲同佔領人士包圍執達主任，認真聲大夾惡兼離譜！
