九巴電視勁噪 滋擾乘客
李先生早前乘搭九巴86C線期間，發現車上電視廣告音量過大，對乘客造成滋擾，「巴士上面個電視咁大聲，搞到我想抖吓都唔得！九巴淨係掛住賺錢，根本冇理到乘客感受！」李不滿九巴罔顧乘客利益，要求運輸署介入調查。
回覆稱下層有靜音區
運輸署發言人表示，該署及九巴曾進行檢查，證實該線巴士的視聽廣播系統整體音量與周遭環境相若。九巴發言人則說，已利用聲音壓縮器將音量調校至均衡水平，巴士下層設有靜音區，可供乘客選擇。
「根本唔知九巴同運輸署個標準係點嚟，又唔係得我一個投訴巴士電視太大聲，但佢哋都仲死撐話冇問題，仲講咩提供舒適環境畀乘客？」李先生坦言對回覆大感不滿，要求九巴盡快為乘客締造寧靜乘車環境。