探射燈：帳戶互通 密碼宜複雜常變
「依家用社交平台登入都得，一個帳戶就可以登入多個accounts（戶口），變相人哋只要撞中你一個account，就可以盜用晒你其他Apps。」香港互動市務商會會長方保僑指，現時一個帳戶登入多個Apps的情況很普遍，同時亦會被騙徒一次過盜用其他平台。
「只需要將一堆順序電話號碼輸入，就可以逐個去睇手機用戶，有冇用（部分）即時通訊平台，仲可以睇埋你啲個人資料。」方稱，有通訊平台可以不用確認身份下使用，騙徒可因此輕易得知用戶的名字，及推斷出一些個人資料以便行騙，「見你張相抱住個仔，咪可以話捉咗你個仔，要你畀錢囉」。
騙徒屢探虛實
他坦言，成功的騙徒往往不是首次接觸受害者，而是經過多次試探虛實。「每個系統都有可以被騙徒利用嘅地方，用戶要提高警覺。」方提醒市民應避免使用簡單的密碼。
香港專業教育學院（屯門）資訊及通訊科技系系主任梁秉雄則表示，雲端服務盛行，遭盜用帳戶的機會亦隨之增加，「最好每隔幾個月至半年改一次密碼，減少畀人用釣魚方式拎到密碼嘅機會。收到詐騙訊息嘅朋友，都要想辦法同當事人聯絡求證，唔好輕易相信對方講嘅說話。」