學聯上周六派出周永康、羅冠聰同鍾耀華三子，由另一位學聯成員陪同上京，點知被內地取消回鄉證，莫講話上飛機，就連境都未出到。雖然佢哋無訂回程機票，但一早預訂咗北京一間酒店，加上有傳學聯暗地組織過Ｂ隊上京，只係最終事敗收場。如果加埋呢筆機票同酒店錢，估計最少都要幾萬元使費。呢班學生哥豪花幾萬元都面不改容，據講係因為學聯儲備水頭充足，就算佢哋無錢都好，呢場佔領運動有咁多自稱「市民」嘅幕後金主，都唔使驚啦！
