元朗：違泊霸兩線 長期冇改善
「兩條線都泊滿晒車，搞到要焗住騎住條中線嚟開車，最驚就係無啦啦有架車駛出嚟會撞。」任職司機的林先生不時駛經元朗洪水橋盈福路，指上址違例停泊問題嚴重，除影響車流暢通，亦擔心會造成意外，「唔係冇投訴過，但一啲改善都冇！」
一年發571告票
警方發言人表示，由去年十月至今年九月，總共接獲一百八十五宗有關上址汽車阻塞及違例停泊的投訴，期間總共發出五百七十一張定額罰款告票。發言人強調，一向有關注元朗區內的交通違例問題，並將會按情況作出檢控。
林先生要求警方加強執法，從而早日糾正違泊問題，並且保障其他駕駛人士的權益不致受損害，「喺條街度亂咁泊，都係因為貪方便同唔使錢，應該要大大張『牛肉乾』罰落去，佢哋先至會知驚！」