渡海濠情：獅子仔 追女達人

能言善辯

溋溋話：「我咁靚女，揀男朋友當然唔可以隨便，所以一直都小心把關，埋到我身真係五隻手指數得晒，但真係好奇怪，當中有四個都係獅子座嘅男士，所以佢哋追女仔真係有一手，我初戀男友就係獅子座嘅，佢好喜歡做啲令人矚目嘅事，喺學校又係運動健將，又係文學學會嘅會長，佢本身行出嚟就已經好有魅力，而且語言能力又高，我被佢迷倒，就係佢同我傾偈時，發現佢同其他男同學好唔同，講嘢時思路好清晰，好有說服力，自自然然咁就會畀佢迷住，除咗講嘢有魅力之外，獅子座嘅男生仲好識得保護自己深愛嘅女生，記得有日放學後因為要補課到七點，點知放學時候落雨，佢知道我冇帶遮，佢返咗屋企都攞把傘嚟學校接我，你話幾咁令人感動呢？所以畀咗隻豬過佢都值得嘅！」

性格固執

獅子座嘅朋友追求女仔時仲有乜嘢絕招呢？溋溋話：「佢哋為咗保護你，嗰份堅忍同毅力真係無人能及，好似我對上一任男友，佢話過要接我放工，佢真係晚晚都喺我公司樓下等我，我當時係做廣告公司嘅，你知呢行放工邊有準時，快嘅就七點鐘收到工，遲嘅半夜一兩點都試過，有一日我又要加班，七點左右我知道男友已經喺樓下，於是我咪叫佢先返屋企囉！點知到我半夜兩點收工時，佢仲喺樓下等我，嗰晚北風呼呼，凍到佢面青口唇白，感動到我即時就要畀啲溫暖佢，於是成晚都畀佢抱住我唔放，當然係全裸嘅身體啦！由於佢哋有時太固執，話咗點樣就點樣，絕對唔肯退讓，如果彼此都唔肯退讓，最後難免係分手收場，但你問我再有獅子座嘅朋友追我會唔會接受？答案肯定會呀！」

獅子座特質：追女情聖

呢個星座嘅男士，大多數都才情橫溢，不是文采出眾，就是運動出色，本身已經鋒芒畢露，加上自信和陽光嘅笑容，追女仔可謂十拿九穩，好少會無功而還，而且佢哋一係唔出手，一出手就會一招接一招，完全要令對方招架不住為止。

獅子座下周性愛運程

狩獵運：4★

甜蜜運：3★

戰鬥運：3.5★

溋溋Profile

年齡：20歲

三圍：34-23-34

撰文：小德

攝影：阿俊