黃斑病瀕盲 八旬甄伯求藥費

「左眼病發嗰陣冇錢去醫，依家已經睇唔到嘢，點知早排右眼都有問題，遲下兩隻眼都盲晒，都唔知點算。」甄伯已屆八十四歲之齡，十年前發現左眼視力模糊，入院檢查後確診為白內障，惟因治療費用高昂而未有接受治療，導致情況一直惡化，至今左眼已完全失去視力。

不欲增加兒女負擔

多年來甄伯一直單靠右眼觀物，可惜近日右眼亦開始出現毛病，證實患有黃斑點病變，始意識到治療刻不容緩，「醫生話左眼已經冇得救，只可以為右眼打針防止惡化。」甄伯的右眼現時僅能隱約看到近距離景物，日常生活需靠他人協助，為免給他人添麻煩，平日盡可能留在老人院收聽收音機度日。

一輩子辛勞的甄伯曾任職製衣工人，努力將兒女撫養成人，老來積蓄不多，亦因子女各有家累，需依靠綜援維生。甄伯坦言無力支付藥費，擔心最終跌入黑暗世界，「綜援先啱啱夠交老人院租金，點可能有錢畀藥費，仔女又有小朋友要養，香港地打份工養家已經好困難，唔想再問佢哋攞錢……」

香港眼科醫院發言人證實，病人右眼患上濕性黃斑點病變，建議病人可於右眼接受眼內注射「樂明睛」，以減底病情惡化及致盲機會，每次費用為一萬二千元，是次療程共需注射三次，合共三萬六千元。發言人續稱，若病人沒有接受以上治療，病人視力可能會轉差。

「依家仔女都大啦，淨係希望自己唔好兩隻眼都盲晒，留番少少視力畀我繼續生活就夠。」甄伯只望能保存僅餘視力，可以照顧自己生活，希望能獲善長施援，不致陷入失明困境。

捐款編號：12605

記者：關海琴