政情：公民講場：「嫻」談佔中 噏錯初衷

佔領行動已經持續近五十日，隨着行動無限演化，佔中初衷係咩都恐怕唔係個個噏得出，好似工聯會立法會議員陳婉嫻（嫻姐）尋日拉隊向特首發表有關施政報告同財政預算案嘅意見後，就話佔領行動反映好多市民不滿政府，顯示施政出現問題，促請特首全面檢討各部門政策喎。乜佔領行動唔係為咗普選咩？嫻姐似乎扯得太遠喎！相反，同屬工聯會嘅王國興直指佔領行動後遺症陸續浮現，要求政府推出一系列短期紓困措施，講法比較正路。不過，點解兩人口徑唔一致嘅？莫非事前冇夾過？