政情：葉劉 譚惠珠 先後現身廉署

葉劉淑儀上午到廉署演講後，由廉署人員陪同離開。

演講分析局勢

尋日我哋就影到行政會議成員兼新民黨立法會議員葉劉淑儀，以及身兼基本法委員會委員的港區全國人大代表譚惠珠，先後現身北角廉署總部。原來兩人只係以嘉賓身份到廉署演講，大家唔使緊張。

• 譚惠珠下午又現身廉署總部，原來佢都係擔任演講嘉賓。

葉太上午率先現身廉署總部，離開時更有兩名廉署人員陪同。佢話今次係獲邀到廉署擔任一個公營機構課程嘅演講嘉賓，同場仲有多名外國講者。期間有人叫佢分析吓香港最新嘅政治局勢，包括佔領問題等，佢就如實講出自己嘅睇法，互相理性交流。到下午，我哋又見到譚惠珠進入廉署，佢笑晒口咁又話嚟演講，相信與葉太係同類型活動。