渠務署「認錯地址」發錯單
近年渠務署錯收排污費事件相繼發生，惟當局仍未能吸取教訓，再次犯下「低級錯誤」！現有《污水處理條例》規定，凡接駁公用排水渠即需繳付排污費，但有自設沙井排污的上水坑頭村住戶卻接連被收取排污費，最終揭發渠務署因「認錯地址」而錯發帳單，事後才急急補鑊退款。立法會議員直指事件不可接受，要求當局盡快研究改善之策，避免再度出錯。
黃小姐於今年三月遷至上水坑頭村一村屋單位，六月接獲水費單時發現帳單上列有「排污費」項目，涉款一百八十多元，黃對此大感訝異，「雖然我係租客，但都知幢村屋有自己沙井，冇理由仲要畀排污費！仲要我住嗰幢有三層，樓上同樓下都唔使交排污費，點解得我一個單位要畀？」
水署：唔關我哋事
黃曾按水費單上的資料致電了解，未料接聽的水務署職員竟以「唔關我哋事」為由擬拒絕處理，「佢話佢哋淨係負責收錢，呢單嘢唔關佢事，要我解釋咗好耐先知我講乜！」及後水務署終將個案轉介至渠務署，而職員上門了解時亦稱事件「好奇怪」，直指黃不需交費。不過，當黃小姐以為已解決問題之際，竟發現最新一期水費單仍被收取近三百五十元排污費。
記者曾實地視察時，發現黃小姐所居的村屋共有三層，各個單位的排污喉管均連接至一條大喉管，據黃小姐表示，有關大喉會接駁到村屋附近一幅私人土地的地下沙井，而非接駁到公共排水渠。
渠務署發言人證實，經調查後確認投訴人的單位未有接駁至公用排污系統，現已跟對方聯絡並安排退款。發言人又稱，市民在水務署開設帳戶後，渠務署便會透過電腦系統識別需收取排污費的用戶，但承認有部分用戶登記帳戶時輸入的地址與該署系統記錄不符，令識別系統未能將帳戶區分，是次事件相信亦涉及地址格式不符問題。
議員斥「低級嘅錯」
「收錯排污費呢啲事已經唔係第一次聽，渠務署都仲唔肯檢討，仲要犯埋啲咁低級嘅錯！」立法會發展事務委員會委員陳恒鑌直斥事件不能接受，質疑個案並非單一事件，要求渠務署從速檢討徵費程序，優化現有識別系統，以徹底解決問題。陳恒鑌亦批評水務署作為發單部門，接獲市民查詢卻未有及時協助，同樣有改善空間，「張水費單係水務署出嘅，市民唔知係邊個部門收錢，唔可以一句唔關我事就算，應該向市民解釋清楚同幫手處理！」
記者：黃煒堯