出來行遲早要還，睇吓人稱「淫賤黎」嘅壹淫媒主席黎智英嘅下場，就知道呢句說話一啲都冇講錯。
被指係佔中幕後黑手嘅淫賤黎，日日喺金鐘「私家皇座」抽水兼扮指揮，指手畫腳，煽風點火，唯恐天下不亂，卒之自作自受，淪為過街老鼠，去到邊畀人鬧到邊。呢，前日三名市民當面大罵淫賤黎係賣國賊，仲向佢淋屎尿掟豬雜，搞到佢成身臭氣，落荒而逃，呢次真係遺臭萬年咯。
所以話，多行不義必自斃。市民鬧得冇錯o架，淫賤黎勾結外部勢力反中亂港，係如假包換嘅漢奸賣國賊，如果係抗戰時期，人人得而誅之，點止畀人淋屎尿掟豬雜咁簡單，隨時食菠蘿都有之，須知當時誅殺漢奸唔止唔犯法，仲成為民族英雄添。雖然話依家係和平時期，香港係法治之區，唔可以再用戰爭時期嘅非常手段，但唔表示漢奸可以禍港殃民，逍遙法外囉。
正如古人話齋，禮失求諸野。漢奸作惡多端，港府束手無策，警方唔敢執法，市民惟有自發「鋤奸」。對付漢奸有好多辦法嘅，例如唔做漢奸生意、罷買漢奸產品、狙擊唾罵等等，都可以令漢奸無地自容。好似早前咁吖，淫賤黎喺酒樓歎茶，有市民怒斥「漢奸」，結果一呼百應，群情洶湧，搞到淫賤黎頭耷耷，要幾狼狽有幾狼狽。
咁就啱嘞，對漢奸賣國賊唔使客氣o架，只有令佢哋走投無路，至可以伸張正氣。呢嗱，繼早前大批市民圍堵壹淫媒總部之後，近日好多地方亦紛紛出現聲討淫賤黎及爛果報嘅橫額，市民以其人之道還治其人之身，簡直大快人心。
講番淫賤黎中臭彈呢單嘢，金鐘佔領區糾察長郭紹傑忠心護主，結果涉嫌喺公眾地方打架被捕。成件事最奇怪嘅係，身為公務員兼港九拯溺員工會副主席嘅郭紹傑，原來以「跌斷鎖骨」為由，自舊年九月起一直放工傷假，即係話，佢一邊出政府糧，一邊佔中反政府，問你服未。尤其係佢跌斷鎖骨仲可以充當糾察長，而且變相成為淫賤黎「私人保鏢」，更加匪夷所思。左睇右睇，上睇下睇，佢都唔似係一個有傷在身而要休息年幾嘅人，當局係咪應該調查有冇人涉嫌騙取工傷假呢？
講到底，纖纖不伐，必生妖孽。香港之所以群魔亂舞，烏煙瘴氣，皆因港府軟弱，法治不彰。要平息呢個亂局，唔係冇辦法嘅，關鍵係當局必須依法辦事，先將佔中黑手繩之以法，將洋奴漢奸連根拔起，咁至可以撥亂反正，如果唔係，香港遲早畀佢哋玩死嘅咋！