立法會工務小組委員會主席梁家傑早前密謀打破過往慣例，喺未得政府同意下調動工務小組議程，優先處理泛民支持嘅工程撥款申請。另一邊廂，財經事務及庫務局局長陳家強領導嘅庫務局最近出招「先發制人」，暫時抽起十三項泛民建議優先處理嘅撥款，令工務小組「調無可調」，惹來梁家傑批評政府做法行政霸道。立法會主席曾鈺成尋日現身疑做和事老，希望雙方可以透過協商解決問題，唔好用盡權力。依家行政立法好似一條拉得好繃緊嘅繩，唔知陳家強同梁家傑又聽唔聽得入耳呢？
