高等法院近日延續喺金鐘同旺角部分地段嘅臨時禁制令，連俗稱「大狀黨」嘅公民黨立法會議員，都唔敢叫留守者唔遵守禁制令。不過唔知民主黨議員何俊仁（AV仁）食錯乜嘢藥，近日呼籲留守者唔一定要守法，尋日仲引喻失義，話當年納粹德國都有好多唔公義法律，都唔一定要遵守。但佢之後就補鑊話，香港法治仍然好好，無意將香港同納粹德國類比。呢啲咪叫亂噏當秘笈囉！
