政情：梁美芬話出通識卷考吳得掂
佔領行動持續，外界視為市民對政治嘅醒覺，建制派同一時間金睛火眼（目及）實中學嘅通識科，其中表表者係立法會議員梁美芬。佢尋日再次發功，聲稱計劃整份通識科試卷出來，畀教育局局長吳克儉（吳得掂）同考試及評核局秘書長唐創時等人應考，唔知吳得掂、唐創時敢唔敢應戰呢？
梁美芬曾倡議要檢討通識科必答政治題嘅必要性。最近考評局出版今年中學文憑試通識科考試報告，指有學生錯誤將法治等同執行法例，梁美芬已開腔要求考評局澄清報告有關考生掌握「法治」概念嘅評語。
尋日佢再度出招，計劃聯同關注小組整番一份通識科試卷，到時會搵一個類似考場嘅地方，邀請具公信力或退休校長監考，睇吓吳得掂、唐創時等人到時考成點喎！