政情：楊立門幫過陳百強作曲

行行出狀元，好似當年想做歌星嘅民政事務局前常任秘書長「AO歌王」楊立門，都估唔到走咗去做官。楊立門尋日出席「協青社青年進修助學計劃」活動，同一班年輕人分享當年追夢經驗。原來當年佢除咗參加過新秀歌唱大賽外，仲參加過流行曲創作大賽，陳百強嘅《別話》就係其作品。不過，佢覺得自已創作嘅歌由別人演繹，始終差咁啲嘢，所以佢會喺明年三月嘅慈善演唱會上，親身演繹一次畀大家聽喎。