政情：公民講場：卿姐斥學生：唔識尊重人

商務及經濟發展局前局長馬時亨（肥亨）早前喺大學畢業禮致詞時，因為講咗啲學生唔啱聽嘅說話，隨即畀學生報以噓聲同打斷講話。立法會議員劉慧卿透露日前同肥亨食晏講開呢件事，卿姐覺得啲學生成日將民主掛喺口邊，但就唔畀人持相反意見，有咩唔啱聽就噓人、唔畀人講落去，批評呢種行為根本一啲都唔民主，「咩係民主啫？就係講求多元，接納唔同意見嘛！」最諷刺嘅係，當日肥亨講嘅題目關於「尊重」，但學生竟然唔識尊重講者。卿姐仲話，一諗到呢啲咁霸道嘅場面就膽戰心驚，亦唔希望大學教出嘅學生會係咁喎。