旺角：平台僭建 擺雜物牙煙
平台僭建不但影響樓宇結構，僭建屋外擺放雜物更隨時傷及途人。旺角街坊梁小姐指出，深圳街有大廈平台僭建多個單位，外牆多部冷氣機及屋外擺放大量雜物，擔心會危及大廈結構及途人安全，「僭建本身已經唔啱規格，裝埋冷氣機就更加唔穩陣，仲要喺屋外面擺咁多重型雜物，真係好牙煙。」
市民促屋署密切跟進
屋宇署發言人表示，有關大廈一字樓平台有若干僭建物，該署曾按當時對僭建物的執法政策及《建築物條例》規定，向有關單位業主發出清拆令，要求清拆平台僭建物。其中兩個單位的平台僭建物已於去年及今年清拆；至於另外兩個單位的個案，該署繼續跟進。
「搞咁耐先至拆咗兩個僭建，另外呢兩個究竟仲要等幾耐先會拆？」梁小姐要求屋宇署密切跟進，盡快拆除僭建物。