政情：怕生意「癱瘓」 何倍倩分散投資
佔領行動持續癱瘓各行各業，做美容生意嘅恒生新抱何倍倩（Anina）都嘆無奈。因為佢間店舖喺正銅鑼灣示威區，示威初期客人幾近絕迹。經此一役，佢明白分散投資至係上策。
開拓外國市場
Anina話，估唔到佔領拉鋸咁耐，惟有見步行步。幸好去年佢積極開拓美國市場，十月尾旗下產品已成功在外國時尚購物網站出售，擴闊咗銷售渠道。現時香港市場只佔佢公司約三成生意額，其餘七成來自歐美國家。
煩完生意，Anina屋企都有唔少麻煩事。除咗囡囡跌倒撞親頭之外，佢媽媽亦受骨質疏鬆症困擾，經常腰痠背痛。Anina話，聽朋友講生完第二胎後，就算人生未步入更年期，鈣質已經會極速流失，所以已有兩名子女嘅佢近日開始食鈣片補身，防患於未然。