政情：「黃傑龍牌」汽水

早前有汽水公司推出宣傳活動，將一啲常見嘅英文名、潮語印喺罐上，令香港掀起一陣熱潮，唔少人仲會自拍放上網同朋友分享尋寶嘅喜悅。除咗市面上所見嘅字樣，原來呢間公司仲會寄專屬可樂畀一啲名人及藝人。稻苗學會主席、叙福樓集團執董黃傑龍（Simon）日前亦收到印有佢個中文名嘅罐裝可樂，仲即刻影相兼放上社交網站，佢話：「有些東西，對你只值$3.5，對我卻無價的。」相信Simon應該會好好收藏呢份無價寶喇！