商場欄杆壞數月無人理
公共屋邨商場天橋欄杆損毀多時仍未維修，領匯管理再次捱轟。居於葵涌石籬邨的吳先生發現，該邨二期商場連接街市的行人天橋有一段欄杆損毀，領匯張貼待修通告後一直未見維修。「張通告貼咗都有成兩、三個月，但一路都係冇人整，唔整咁點解又要貼出嚟？」
領匯稱10月中完成維修
領匯發言人承認，商場辦事處早於七月上旬發現上址設施需要維修，隨即安排臨時加固工程，並張貼通告及安排修葺。有關工程已於十月中完成。對於遲未維修之原因，發言人則未有回應。
「投訴咗真係有效，好快就有人嚟整番好！」吳先生證實經轉介後，領匯已迅即派員完成維修工程。吳希望領匯加快處理維修工作，「又唔係啲好複雜嘅工程，領匯應該要自動自覺，唔好等收到投訴先去做！」