渡海濠情：地球暖化 男女失衡？
有日本及丹麥學者經研究指出，近十多年日本女性嘅出生率比男性高，懷疑與全球天氣暖化有關，若然情況持續，男女人口失衡將會日益嚴重，嚟自大富豪桑拿嘅小叮噹就話：「我好認同！」
投其所好
小叮噹話：「我記得以前啲大姐姐，佢哋身邊最少都有兩三個男朋友圍住佢哋嚟轉，最多嘅十個八個閒閒地，我哋小時候見佢哋身邊有咁多狂蜂浪蝶，不知幾咁羨慕，好想大個都同佢哋一樣咁受歡迎，但今時今日，你搵到一兩個男朋友喺身邊，已經好巴閉，因為男女失衡嘅情況真係十分嚴重，好在我老鄉都仲係男多女少，所以我喺鄉下時都有兩三個男朋友圍住我轉，但一出嚟大城市，情況就即時唔同晒，冇錯！你要搵兩三個男朋友一啲都唔難，但呢啲男朋友身邊同時有兩三個女朋友呢！所以可以好肯定咁講一句：『真係冇個真心』，所以除咗講有冇之外，係咪對你真心嘅就更難搵，所以你除咗要帶眼識人，唔好搵啲花心蘿蔔外，仲要識得投其所好，咁至會有運行！」
妥善安排
乜嘢投其所好呀？小叮噹話：「就係要貼身跟住自己喜歡嘅男人，簡單嚟講就係做『跟得夫人』，例如男友喜歡飲飲食食嘅，你就要陪佢飲飽食醉，如果佢哋喜歡體育活動嘅，咁你就要陪住佢身水身汗，仲有啲喜歡夜夜笙歌嘅，咁你梗係要陪佢冇覺好瞓啦！但小心一件事，你手上有幾多個男朋友都好，千萬咪同一樣愛好，舉個例你就會明白，例如你有三個男友，三個都愛夜蒲嘅話，你邊有咁多時間陪佢哋，只能夠一晚一個，而且撞到正嘅機會十分之高，所以有三個男朋友嘅話就要有三種唔同嘅喜好，體育型嘅可以安排喺平日見面，吃喝型嘅就安排喺食飯時間，至於夜蒲型就梗係半夜三更見面啦，咁樣安排，一日陪晒三個男朋友都冇問題，咁就唔怕男女失衡嘅問題啦！」
小叮噹Profile
年齡：21歲
三圍：33-23-34
撰文：小德
攝影：阿昌