元朗農地違規建化學品倉

吳先生家住元朗公庵路白沙村，近月突有大量重型貨車出入，了解後發現村內一幅農地被改建成貨倉，倉內存有多個大型容器，懷疑用作存放及生產化學品，「有次行過見個倉開咗門，入面放晒啲大桶，好似化學工場咁！」吳擔心擅自將農地改建成化學品倉庫會影響村內生態環境，最終危害村民健康，「都唔知嗰啲係咩化學品、吸咗入去身體有冇事，最驚係火燭起嚟波及到成條村，始終倉庫唔應該起得咁近民居！」

規模大 平日重門深鎖

記者曾實地了解，發現懷疑化學品倉主要以鋅鐵搭建而成，位於白沙村附近，規模龐大，且不時見有大型貨車進出，惟平日重門深鎖，外人難以了解內裏情況。

工場部分位置更佔用政府土地。（讀者提供）	有懷疑運送化學品的貨車常進出倉庫。	梁志祥批評地政署執法程序過於冗長。

地政總署發言人證實，上址屬舊批農地，由於土地上有未經批准構築物作倉庫及住宅用途，違反地契條款，元朗地政處已發出警告信，要求業權人糾正， 否則會按序將警告交予土地註冊處（即釘契）。

佔用官地 憂影響生態

發言人又稱，部分違規構築物佔用政府土地，已在現場張貼通告，飭令佔用人於限期前停止佔用。至於構築物內儲存化學品及結構安全問題則轉介相關部門跟進。

消防處發言人表示，巡查後發現倉庫為一間生產尿素作柴油車輛催化劑的公司，經向政府化驗所確認後，證實尿素並非《危險品條例》所界定的危險品。

「尿素唔易燃、唔會爆炸，但如果排咗落河，咁啲海藻同生物就會大量生長，破壞附近嘅生態平衡，而且喺農地起倉庫生產化學品始終係犯法，存放同運輸過程無王管，好容易有危險！」環境管理工程師邱耀雄憂會影響生態環境，要求當局正視。

立法會發展事務委員會委員梁志祥指地政署執法程序過於冗長，釘契亦難收阻嚇作用，加上重收土地需時，令不少人會冒險將農地改成倉地圖利，危害附近居民安全，「違規倉庫唔知會放啲咩喺度，今次冇危險品唔等於以後冇，所以地政署真係要加快執法！」

記者：楊育輝、溤國豪