政情：象哥：內地打貪 大閘蟹銷情跌

漸入秋涼，已到大閘蟹旺季！今年內地大閘蟹大豐收，蟹膏特別肥美，內地蟹商期待柯打接唔停，但事實上銷情剛剛相反，今年蟹價不升反跌，較去年同期下跌一成半。何解有肥蟹無人吼？每年均會舉辦大閘蟹宴嘅立法會進出口界議員黃定光（象哥）話，因為內地官場嚴厲打貪，莫講話食魚翅燕窩，就連幾十元人仔一隻大閘蟹，班高官同富商都唔敢掂，驚開枱食蟹會被視為貪威識食。