全國政協常委會會議尋日下午高票通過褫奪自由黨黨魁、立法會議員田北俊（田少）長達十六年的政協委員資格。田少在立法會交代事件時話，上周佢建議特首辭職時，並無留意到及忽略咗自己係全國政協委員嘅身份，只記得自己係立法會議員及自由黨黨魁，但每年在北京開兩會時就記得，真係講都冇人信！其實田少從政多年，無理由唔明要慎言慎行，如今佢在佔領行動鬧得熱烘烘期間叫特首考慮辭職，等同與中央立場對着幹，如玩火自焚，唔知佢叫特首考慮辭職之前會否預期自己隨時火燒身呢？
