政情：長江澳洲獎學金踏入十周年
由長江集團及澳洲政府攜手設立嘅「長江澳洲毅進獎學金計劃」今年踏入十周年，計劃除咗每年為二百五十名大學生及十名研究生提供學術交流機會，今年亦有八十四名來自香港、澳洲兩地學生獲頒獎學金。有獲獎嘅澳洲交換生笑言，來港兩個月已有本地同學凌晨三時拉佢「飲早茶」，仲學習廣東話同普通話添！
長江集團日前舉行頒獎典禮，向其中二十九名得獎學生頒發獎座，並邀請澳洲維多利亞州總督Alex Chernov、澳洲駐香港及澳門總領事Paul Tighe、長實董事總經理兼副主席李澤鉅、長江基建集團董事總經理甘慶林擔任主禮嘉賓。
去年赴澳洲交流嘅獲獎港生姚詩朗就話，呢次交換生計劃令佢感受到澳洲人喺生活發掘工作樂趣同發揮專長，相反港人工作係為咗「搵食」而遺忘夢想，令佢體會到必須保持對事物嘅熱誠，從中追求成功。