立法會大會尋日因為不足開會法定人數而流會，內務委員會主席梁君彥（Andrew）就在流會後批評缺席嘅議員要為流會負上全部責任，又話交通理由唔應該成為遲到嘅藉口喎。佢仲讚自己有私家車唔坐而去搭地鐵，最後喺八點半到達立法會。咪睇Andrew鬧得義正詞嚴，其實四月底審議財政預算案條例草案期間，佢曾經同其他經民聯議員拉大隊去法國出席一個婚禮，間接導致立法會大會流會，依家佢又左右開弓鬧勻缺席建制及泛民議員，會否令人覺得佢係「一時唔偷雞就做保長」呢？
