佔中發起人戴耀廷喺港府與專上學生聯會進行對話前夕，前日突然於金鐘佔領區高調宣布，會喺佔領運動結束後同其他組織者及參與者自首，揚言要打破同一時間最多人自首嘅世界紀錄。戴耀廷呢個想法似乎係一廂情願，一來佔領者同示威者多次話明佔中三子、學聯等唔代表佢哋，二來戴耀廷自己都多次承認佔中三子唔係今次運動嘅領導者，既然無任何感召嘅力量，仲話要創出咩世界紀錄嘅豪言壯語，似乎得啖笑嘞！
