佔領行動持續咗三個星期，口口聲聲話要爭取民主嘅「民主阿婆」前政務司司長陳方安生就鮮有露面，更加唔係好覺佢有去佔領運動現場撐示威者。民主阿婆尋日終於按捺不住出嚟抽水，話特區政府今日同學聯對話，相信係解決政改爭議嘅起點，又指唯一有能力化解目前僵局嘅係特區政府，而今日將係最好嘅契機喎。
「潛水」多時嘅民主阿婆喺政府同學聯對話嘅前一日突然「浮面」，批評政府喺過去三星期都冇展現出領導能力，今日政府就可以喺談判桌上提出有實質同有意義嘅方案。佢又話，為咗紓緩當前社會緊張狀態，政府應該重開公民廣場，亦應該肯定大多數示威人士都係和平及負責任咁話。
其實由民主阿婆之前訪英「唱衰香港」，最後反而自取其辱，證明民主阿婆呢粒舊電池已經起唔到任何作用，如果佢唔自己出嚟抽吓水，睇怕好快大家都當佢透明喇！