冷氣機滴水 市民候車不便

「嗰度滴水滴咗幾年,已經成日都同食環署投訴,點知情況一路都冇改善!」黃先生居於鰂魚涌,發現英皇道上的冷氣機滴水問題嚴重,曾多次向食環署投訴,惟至今情況仍未改善。黃指多個滴水位置皆鄰近巴士站,不時目睹候車市民為避免「中頭獎」而「企埋一邊」等候巴士,對乘客造成不便。

食署執法能力遭質疑

食環署發言人表示,一直關注上址一帶冷氣機滴水情況,並向涉事住戶派發宣傳單張,提醒須定期維修冷氣以防滴水。另外,發言人又稱,若發現冷氣機滴水,會向有關單位住戶發出「妨擾事故通知」,並向未有遵從規定者提出檢控,過去一年共接獲六十七宗投訴,並發出四十一張「妨擾事故通知」。

「依家嗰度滴水仲係滴得好勁,食環署係咪真係有做過嘢?我真係好懷疑!」黃先生指滴水問題持續,希望食環署能積極執法,盡快解決問題。

第一手消息請下載on.cc東網iPhone/iPad/Android/Windows Phone Apps