佔領行動搞亂香港近三星期，失蹤多日冇公開露面、就快要被人出尋人啟示通緝嘅「佔中」三子，眼見行動早已失控，不但冇下令煞停，仲任由示威者連日衝擊警方防線，包括佔領金鐘龍和道等主要幹道，呢場「飲宴」已經七國咁亂。立法會議員陳鑑林（橄欖）趁尋日續會辯論警方處理集會示威者手法時，就鬧爆佔中三子當初話「去飲」，點知呢場「飲宴」一飲就二十日，埋單嘅卻係全港市民。呢場「飲宴」仲要筵開幾多日、點樣收科都冇人知，但遺禍咁深遠，睇怕「埋單」想一筆清都幾難嘞！
