搵食車換催化器 廢氣超標

截至九月底，環保署在全港檢測了三萬三千多架車輛，二百八十四架需要發出廢氣通知書，當中有二百部的士和廿五部小巴，佔總數約八成。環保署昨指九月維修後送往該署覆檢的五十六部車輛，僅得約四成一次過過關，連同多次覆檢才合格的，則只得五成。

署方指車房未掌握技巧

署方指覆檢合格率低因部分車房未掌握修理技巧，聽取業界意見後將由即日起至明年一月底推出兩項安排，包括延長廢氣測試限期至廿五個工作天，首次不過關的車輛可獲最多兩次免費測試。「一百架的士裝咗港府催化器都中招，環保署點解釋先？」車行負責人周國強斥環保署「講大話」，當初稱會「十部車有九部過關」，但他在九月已有廿部的士「中招」，每部維修費逾二千元，連同每次廢氣覆檢測試收費三百一十元，最少損失七萬元，但至今仍無一輛的士覆檢過關。

業界質疑港府資助加裝劣質催化器是的士小巴排污物的元兇。

環保署九月份檢測路邊車輛廢氣統計

「乜維修都唔做竟然過關」

城市的士車主司機聯會主席莊永德譴責措施勞民傷財，環保署表明即使通過運輸署年檢，仍會「肥佬」，但又不公布維修準則。現時車房維修排污超標「中招」車輛只有按年檢標準修車，不少投訴指逾半「中招」車輛幾次覆檢維修，最後也「肥佬」，「有車主試過乜維修都唔做就拎去再驗，點知竟然過關。」

業界心聲 區先生：「裝咗政府個催化器，油費貴咗又唔夠力，點知用咗七個月就打柴，早排仲畀佢（環保署）捉大煙，被迫要停工兩日，好麻煩囉。」

莊永德：「好多中招會員都投訴做咗幾次維修同驗煙都仲係唔過關，但係曾經有車主試過第二次乜嘢維修都唔做就拎咗去驗，竟然過咗關。」

「叫咗環保署搞掂催化器容易壞嘅問題先出新計劃，而家證明佢嘥咗一億五千萬之餘，仲搞到業界怒氣衝天。」的士小巴權益關注大聯盟主席黎銘洪說，有五十名的士和小巴會員接獲告票，但無一過關，現正收集數據證明港府資助的催化器才是排放超標的元兇，並提交立法會徹查。