佔領行動期間，警方施放胡椒噴霧驅散示威者，示威者就開雨傘遮擋。立法會尋日辯論警方處理集會示威嘅手法，建制派議員梁志祥就話，自民國時代開始，雨傘已經係一種攻擊性武器，就算連黃飛鴻都用雨傘來同奸人堅格鬥，批評泛民主派無歷史常識喎。佢又話，自己細個在鄉村長大，長輩提醒佢出門要帶雨傘，因為除咗可以遮風擋雨外，仲可以打狗防身添。如果雨傘咁使得，梁志祥只要隨身帶把雨傘去立法會開會，咁咪確保平安囉，使乜要秘書處安排保安員護送佢離開立法會吖！
