渡海濠情：男僕服務 隨傳隨到
美國有網站專為女士們提供「男僕服務」，只要每小時付出約一千蚊港元，就可以選擇喜歡類型嘅男士嚟為自己服務，除咗性服務之外，其餘乜嘢都包咁滯，嚟自富城會嘅安妮就話：「我有錢都想搵個嚟陪我一下！」
溫馨感覺
安妮話：「陪我做乜嘢？當然係搵佢嚟彈住結他，陪我唱歌啦！因為我嘅初戀男朋友，就係用彈結他呢招嚟識到我，但可惜家陣識彈結他嘅男仔真係好少，因為佢哋心諗，要唱歌咪去卡拉OK囉！花一千幾百，唱成晚都可以，使乜自己彈到手指痛咁辛苦呀！又講得幾啱，但就冇咗嗰種味道，我記得當年我嘅初戀男友，佢彈結他都唔係好叻，實得三、四首歌就走天涯，我哋見親面，雖然次次都唱嗰幾首歌，但一彈一唱，大家就覺得好溫馨、好甜蜜，好似大家合力完成咗啲乜嘢咁樣，好有成功感，特別係聽見佢為我再練新歌時，真係感動到想即時以身相許。可惜，我哋喺埋只有一年時間，之後佢就話要為音樂而去好遠嘅地方學習，我梗係唔想佢走啦，於是使出我嘅撒手鐧！」
冇晒客房
一定係以身相許，希望生米煮成熟飯！安妮話：「當時腦囟都未生埋，唔係用呢招仲有邊招，於是喺佢臨走前一晚，走去佢屋企自動送上門，但佢屋企好窮，佢自己房都冇間，而且屋企人喺晒屋裏面，於是就拉佢去我屋企，平時我屋企一個人都冇，孤男寡女正好乾柴烈火做乜都得，但好衰唔衰，嗰日全部人返晒嚟，見兩個嘅屋企都唔得，於是就走去銀行錢，諗住由我出錢走去爆房，但真係黑仔到冇朋友，竟然附近好幾間酒店都滿晒，再高級啲嘅酒店有房但唔夠錢，最後兩個人乜嘢火都冇晒，男朋友最後只能成晚彈歌畀我聽，叫我唔好傷心難過，你話幾咁純情，一別幾年，大家再冇聯絡，所以我好想再搵個男仔彈結他畀我聽，等我可以回憶吓呢段難忘嘅初戀故事！」
安妮Profile
年齡：22歲
三圍：35-24-35
撰文：小德
攝影：阿德