政情:邱副也搭港鐵

自從佔領行動蔓延到多個區域,港九多條主要幹道都受影響,部分更一度封閉近兩個星期,唔少市民都要改搭港鐵返工返學。運輸及房屋局副局長邱誠武(邱副)前晚七點幾亦在灣仔站往柴灣方向月台出現,見佢一支箭咁飆去車尾上車,唔知咁急去邊呢?邱副話,早前因為政府總部西翼因為佔領行動封路,車輛無法駛入,所以都會改搭公共交通工具,今次搭港鐵就純粹因為目的地近港鐵站啫。不過,邱副話亦曾試過專登搭港鐵,巡視吓兩分鐘一班車會否超出訊號極限。

第一手消息請下載on.cc東網iPhone/iPad/Android/Windows Phone Apps