「睇住自己情況愈來愈差，開始口齒不清，仲控制唔倒流口水，感覺真係好無助，亦唔敢同屋企講……」練得一身肌肉，獲健美先生比賽亞軍的黃宏勝昨一步一步行出病房見記者，更向「救命恩人」蘇先生的女兒蘇小姐送上感謝卡。憶述等待換肝的煎熬心情，他不禁流下男兒淚。連日來為阿勝奔走的未婚妻李小姐，終可放下心頭大石。
在醫院等待的日子，阿勝無奈說：「好多病友等咗好耐，唔知自己可以捱到幾時，唔知可以做啲咩。」慶幸絕處逢生，他說當得悉可換肝的一刻，非常開心「執番條命」。雖知移植的是再贈肝，但他對瑪麗醫院的醫療團隊信心十足。
未婚妻李小姐哽咽說：「開頭知道佢有病，真係好突然，全家人都想幫佢但幫唔倒，見佢身體一日比一日差，真係好心痛。」她喜見阿勝重獲新生，婚期會否照舊，要看阿勝的復原情況，始終身體最重要。阿勝說，將一改以往生活壞習慣，好好保存肝臟，希望有一天自己離開時，這個寶貴的肝臟可再幫助其他人。
阿勝的母親昨上前擁抱蘇小姐，感激對方救回兒子性命。蘇小姐說，爸爸突然離開，全家大受打擊，但感激當年的捐贈者方先生，令她一家得到十一年的珍貴相處時間。她表示：「反正都帶唔走（器官），可以畀多啲人用係好事。」除肝臟外，其父的兩個腎臟亦捐出救人。
本報記者