工程延誤 水務署遲解釋
「遲咗成三個月都仲未搞掂，水務署係咪批咗張約出去就乜都唔理？」鰂魚涌居民何先生發現，基利坊有水務工程延誤多時仍未完工，不滿水務署一直未有更新工期及解釋原因，擔心公帑白白浪費，「工人係逐日計人工，每拖多一日就損失多一日，有咩理由連點解延期都唔使解釋？」
稱施工遇「地硬」料年底完成
水務署發言人表示，去年四月起在涉事地點分階段更換及修復老化水管，包括更換一條三百米長、直徑二百毫米的食水管及小量鹹水管，整項工程涉款約一百萬元。
發言人解釋，由於地下設施密集及部分地底為岩石層，以致令工期延誤，承建商與顧問工程公司已採取措施縮短工期，如全日分階段臨時封閉部分行車路，以省卻搬運設備及還原路面工序，及延長施工時段，餘下工程預計可於今年底前完成。