受僱收手機 旅客涉違法
「香港先過內地賣呢款電話，佢哋咪落嚟大手掃貨，拎番上去炒囉！」周小姐早前行經銅鑼灣希慎廣場外，發現不少操普通話人士兜搭途人，以高於市價收購新款智能電話，懷疑為受薪工作，違反逗留條件，「佢哋唔係買一部自用咁簡單，係成日都坐正喺條街度，好似開檔咁！」
入境處最少拘兩人
入境事務處發言人表示，一直關注非法勞工在街頭收購智能電話問題，已多次在中環、銅鑼灣、尖沙咀、旺角及九龍塘等售賣點巡查，早前亦有在希慎廣場外採取行動，期間共拘捕兩名內地旅客。
發言人強調，凡旅客未經入境處長批准，不論是否受薪，皆不得在港從事僱傭工作、開設或參與任何業務，一經定罪，可被罰款五萬元及入獄兩年，僱主則可被罰款三十五萬元及入獄三年。
記者：阮佩君