泛民主派以前成日批評港府「搬龍門」，即係不斷轉移政府政策或公眾諮詢嘅條件同底線，令泛民射極都唔中龍。不過，政改三人組成員之一、政制及內地事務局局長譚志源，尋日就不點名批評學聯與政府商討就佔中進行對話時，「龍門不斷搬」，有時喺會上明明傾掂數，會後對方又改口話自己只代表個人，代表唔到整個組織或其他團體。學聯、學民思潮同佔中三子，近日更加聲稱整個佔中運動根本唔係由佢哋發起，甚至同佢哋完全無關喎，真係畀佢玩死。譚志源今次真係遇上「高手中嘅高手」囉！
