啟剛籲兩派冷靜思考
中華全國青年聯合會常務委員施榮忻話，有朋友喺三子宣布佔中前夕將架車泊咗喺金鐘示威區附近，點知連日封路搞到佢揸唔走架車，每日仲要付泊車費五百大元。本身有寫字樓喺海富中心嘅菁英會前主席洪為民因為佔中開始時，佢要去機場搭飛機而無揸車，所以部車無滯留金鐘。香港青年聯會主席霍啟剛就呼籲兩派支持者冷靜思考點樣可以解決問題，而唔應該繼續互相指罵。
七個人七嘴八舌講佔中影響同勸佔中市民及早撤離，唔知有無打算七個人分散去三區，直接聽下佔中者嘅訴求、體驗吓佢哋嘅生活、向佢哋曉以大義，同埋勸佢哋早日回家呢？話晒青年同青年溝通，最少無年齡之間嘅隔膜吖。